فلم ”نامعلوم افراد“ نے 12کروڑ سے زائد کما لئے

: فلم انڈسٹری کے ریوائیول میں اہم کردار ادا کرنے والی فلم ”نامعلوم افراد“ اب تک 12 کروڑ سے زائد کا بزنس کرچکی ہے۔ فلم بینوں کی بھاری تعداد آج بھی پہلے روز کی طرح اسے دیکھنے آرہی ہے۔ اس فلم میں آئٹم سانگ، کامیڈی، عمدہ اداکاری، اور دل لبھانے والے گانوں نے اسے عوامی توجہ کا مرکز بنا دیا ہے۔ یہاں یہ بات قابل ذکر ہے کہ بھارتی فلم ”بینگ بینگ“بھی اس پر بھاری نہ ہوسکی۔ اس نے پورے ملک میں بے مثال بزنس کیا۔ فلم کی کاسٹ میں فہد مصطفی، عروہ، مہوش حیات نے مرکزی کردار ادا کیے ہیں۔ اس فلم کے ہدایتکار نبیل قریشی ہیں۔