اوشنا شاہ کی ”بشر مومن‘‘ میں متاثر کن پرفارمنس

جذباتی اداکاری کی ماہر فنکارہ اوشنا شاہ نے ہمیشہ کی طرح حال ہی میں اختتام پذیر ہونے والے سوپ سیریل ”بشرِ مومن“ میں اپنی بہترین کردار نگاری کا مظاہرہ کیا۔ انہوں نے اپنی اداکاری سے خود کو ایک بار پھر ایک بہترین اداکارہ ثابت کیا، ان کی مکالمہ ادا کرنے ادائیگی انتہائی متاثر کن تھی۔ اوشنا شاہ فنکار گھرانے کی سپوت ہیں اور فن اداکاری انہیں ورثے میں ملا ہے۔ ناظرین کے بقول یہ ان کی خدا داد صلاحیتیں ہی ہیں کہ اس کردار میں حقیقت کا گمان ہوا، بیشتر دیکھنے والے اپنے آنسو ضبط نہ کر سکے۔ یہی وجہ ہے کہ ناظرین ان کی اداکاری سے محظوظ ہوئے اور انہیں ایک معیاری فنکارہ سے تعبیر کیا۔