سلمان خان کے فعل سے مسلمان جھوم اٹھے

بھارتی اداکار سلمان خان کسی نہ کسی حوالے سے ہمیشہ خبروں کی زینت بنے رہتے ہیں۔ کبھی کسی ہیروئین کیساتھ سکینڈل کی شکل میں ، تو کبھی فلموں کی کامیابی وناکامی جبکہ کبھی اپنے مختلف قسم کے بیانات اور شادی کے متعلق افواہوں کی بدولت خبروں میں رہتے ہیں ۔
اسطرح آجکل ان کے متعلق ایک اور خبر انتہائی سرگرم ہے جو کہ ان کے مسلمان مداحوں کیلئے بہت بڑی خوش خبری کی مانند ہے ۔ جی ہاںاداکار سلمان خان لندن میں اپنے حالیہ پروگرام “بگ بوس” کی تشہیر کے سلسلے میں ایک تقریب میں شریک تھے کہ وہاں اذان کی آواز سنائی دینے لگی ، جس پر سلمان خان نے خود بھی اور تقریب میںشریک تمام شر کاءکو اذان کے احترام میں خاموش رہنے کی التجاءکیاور تب تک خاموش رہے جب تک اذان ختم نہ ہوگئی ۔
جس کے نتیجے میں تقریب میں شریک تمام افراد نے سلمان خان کے اس رویے پر تعریفی کلمات ادا کئے ۔ سلمان خان کے اس رو یے نے مسلمانوں کا سر بلند کردیا جبکہ دنیا بھر میں موجود مسلمان مداحوں کے دل میںسلمان خان کے لئے احترام بڑھ گیا ۔

بشریٰ انصاری فلم ”جوانی پھر نہیں آنی“ میں جلوہ گر ہونگی

اداکار فلمساز ہمایوں سعید نے بشریٰ انصاری کو اپنی نئی کامیڈی فلم ”جوانی پھر نہیں آنی“ کے لئے راضی کر لیا ہے اور وہ اس فلم میں ایک اہم کردار کریں گی۔ ہمایوں سعید نے فلم کے بارے میں اظہار خیال کرتے ہوئے کہا کہ آج کل کے دور میں کامیڈی فلمیں بننا وقت کی اہم ضرورت ہے اور میں لوگوں کو یہ فلم دیکھنے کے لیے مجبور کردوں گا۔ دریں اثناءبشریٰ انصاری نے بھی کامیڈی فلموں کو زیادہ سے زیادہ بنانے پر زور دیا اور کہا کہ آج کل تفریحی فلموںکا دور ہے اور اب میں اپنے ٹی وی ڈراموں کو کم سے کم وقت میں مکمل کرادوں گی۔ فلم ”جوانی پھر نہیں آنی“ کی کاسٹ میں بشریٰ انصافی، حمزہ علی عباسی، مہوش حیات، عائشہ خان، احمد بٹ اور جاوید شیخ شامل ہیں جبکہ شہرت یافتہ ہدایتکار ندیم بیگ، مصنف واسع چوہدری ہوں گے۔

میں بولڈ ہوئے بغیر رہ نہیں سکتی۔سنی لیون

اداکارہ سنی لیون نے کہا لوگ مجھ سے پیار کر تے ہیں میں سب کے دل کی دھڑکن ہوں۔ سب کو انٹرنیٹ پر میری ہی تلاش رہتی ہے۔ اس میں نہ چاہنے والے بھی ہو سکتے ہیںا نہوں نے انٹرویو میں کہا انہیں کسی بھی شخص کو بدلنے کیلئے کیلئے صرف پانچ منٹ کا وقت درکار ہوتا ہے لیکن وہ تمام دنیا کی سوچ نہیں بدل سکتیں،

 ہاں البتہ اگر انہیں ہر شخص پر پانچ منٹ لگانے کا موقع میسر آسکے تو وہ ایک ایک کر کے سب کو بدل سکتی ہیں میں بولڈ ہوئے بغیر رہ نہیں سکتی مداحوں کے جذبات میں ہلچل مچانے سے ہی مجھے خوشی حاصل ہوتی ہے انہوں نے کہا بالی ووڈ میں کام کرنا ان کا خواب تھا اور اس کی تکمیل کا سفر اس وقت شروع ہوا جب انہیں بگ باس پروگرام 

’فلم بین آئٹم سانگ کے شوقین ‘

آئٹم سانگ کے ذریعے شہرت کی بلندیوں تک پہنچنے والی فنکارہ مہوش حیات نے کہا ہے فلم بینوں کی اکثریت اب آئٹم سانگ دیکھنا چاہتی ہے اور اس کا ثبوت میری پہلی فلم ”نامعلوم افراد“ میں”بلی“ آئٹم سانگ ہے جس نے ملکی سطح پر ہلچل مچا رکھی ہے اور مجھے اب یہاں تک آفرز ہیں کہ فلم میں صرف آئٹم سانگ ہی فلمائے جائیں گے آپ صرف ہاں کر دیں۔ اپنی فلم کی کامیابی پر اظہار خیال کرتے ہوئے انہوں نے کہا کہ فلم کے ذریعے لوگوں کو تبدیلی ملی ہے اور شاید یہی کامیابی ہے۔

ریما نے سب سے بڑا امریکی ایوارڈ ’امریکا ایبراڈ میڈیا‘ جیت لیا

: اداکارہ ریما خان نے امریکا کا سب سے بڑا ایوارڈ ’امریکا ایبراڈ میڈیا‘ جیت لیا ، انہیں یہ ایوارڈ اپنی ڈرامہ سیریل ”ریما خان کا امریکا“ میں شاندار کارکردگی پردیا گیا ۔ تفصیلات کے مطابق جس س ٹی وی سیریل پر انہیں ایوارڈ ملا اس میں ریما خان نے ایک ایسی لڑکی کا کردار ادا کیا ہے جو امریکا میں رہائش پذیر پاکستانیوں کی نظر سے اپنے ایک نئے ملک کی تلاش کی کوشش کرتی ہے اور وہاں رہائش پذیر مشرقی تہذیت کو اپنائے ہوئے لوگوں سے امریکا کے بارے میں ان کے خیالات جانچنے کی کوشش کرتی ہے

بہت جلد دوسرا سٹیج ڈرامہ کروں گی، ثانیہ سعید

ٹی وی اداکارہ ثانیہ سعید نے کہا ہے کہ میں بہت جلد اپنا اگلا تھیٹر پلے کروں گی اور ”میں اداکارہ بنوں گی“ سے جو کامیابی ملی ہے ،اس سے مجھے مزید حوصلہ ہوا ہے ۔انہوں نے کہا کہ کراچی میں معیاری تھیٹردیکھنے والوں کی کمی نہیں اور ان کے ڈرامے کی کامیابی نے یہ بات ثابت کردی کہ لوگ مزاح سے لطف اندوز ہونا چاہتے ہیں۔ سرمد کھوسٹ کی نئی فلم ”میں منٹو“ کے بارے میں کہا کہ سعادت حسن منٹو کی زندگی پر بننے والی فلم میں کام کرنا اچھا لگ رہا ہے ۔انہوںنے کہا کہ کوئی اچھے موضوع پر بننے والی فلم کی پیشکش ہوئی تو ضرور کام کریں گی۔

مولا جٹ کسی قیمت پر نہیں بننے دونگا : سرور بھٹی

شہرت یافتہ فلم مولا جٹ کے فلمساز سرور بھٹی نے کہا ہے کہ وہ کسی قیمت پر نئی مولا جٹ نہیں بننے دیں گے اور وہ اس کے بچاﺅ کے لیے تمام قانونی راستے اپنائیں گے ۔

انہوں نے یہ بات فلمساز و ہدایتکار بلال لاشاری کی نئی فلم کے حوالے سے کہی جو مولا جٹ کو نئی تکنیک کے ساتھ بنانا چاہتے ہیں جس میں بلال لاشاری نے کہا تھا کہ آج کل کے دور میں پنجابی فلموں میں برچھے اور لاٹھیوں کا استعمال عجیب سا لگتا ہے ،اس لیے وہ اپنی فلم مولا جٹ نئی ٹیکنالوجی کے تحت بنائیں گے اور جس کا سکرپٹ انہوںنے حال ہی میں مکمل کرالیا تھا لیکن اب سرور بھٹی نے متنبہ کیا ہے کہ وہ جلد اسے 3 ڈی پر منتقل کر کے فلم کو دوبارہ سینماﺅں کی زینت بنائیں گے اور اس کا ٹریلر بھی جلد سینماﺅں پر چلنے لگے گا۔

بھارتی ہدایت کار کا سینئر صحافی مبشرلقمان پر فلم بنانے کااعلان

بھارتی پروڈیوسر ارون نے سینئر صحافی اور میزبان مبشر لقمان کو ایکشن سے بھرپور فلم کی آفرکرتے ہوئے اُن کی کتاب ’کھراسچ،باباجی کے نام ‘ پر فلم بنانے کااعلان کردیا۔
میڈیارپورٹ کے مطابق ڈی ڈے اور لنچ باکس جیسی شانداربالی ووڈ فلمیں بنانے والے پروڈیوسر ارون رنگرچری کو پاکستانی صحافت پر فلم بنانے کا خیال آہی گیااور اس سلسلے میں اُنہوں نے مبشر لقمان کی زندگی اور ان کی کتاب ’کھرا سچ بابا جی کے نام‘ فلم کا موضوع بنے گی۔
نجی ٹی وی چینل سے خصوصی گفتگو کرتے ہوئے ڈار موشن پکچرز کے سی ای او ارون نے کہا کہ مبشر لقمان پاکستان میں بے حد مقبول ہیں، اسی لئے ان کی کتاب پر فلم بنانے کا خیال آیا،خیال ہے کہ پاکستان اور بھارت دونوں ملکوں میں یہ فلم ہٹ ہوگی۔

ژالے سرحدی بھی آئیں گی اب آئٹم سانگ میں

ماڈل اور اداکارہ ژالے سرحدی نے فلم ”جلابائی“ کےلئے آئٹم سانگ ریکارڈ کرا دیا۔ ژالے سرحدی جن کو ایک منجھی ہوئی ماڈل اور اداکارہ تصور کیا جاتا ہے، لالی وڈ کی نئی فلم ”جلابائی“ کی مرکزی کاسٹ میں شامل ہیں۔ فلم کیلئے پرومو آئٹم سانگ ترتیب دیا گیا ہے جس میں انہوں نے کام کیا ہے۔ اس گانے کو شجاع حیدر نے کمپوز کیا ہے تاہم کہا جا رہا ہے کہ شاید یہ گانا فلم کا حصہ نہ ہو اور اس کو صرف فلم کی پرومو کے مقصد کیلئے استعمال کیا جائے۔ ژالے کے مقابل فلم میں ہیرو دانش تیمور ہیں جبکہ عدنان جعفر، وقار علی خان اور علی سفینہ دیگر کاسٹ میں شامل ہیں۔

فلم ”راجہ نٹورلعل“ ناکام ، عمائمہ ملک ڈپریشن کا شکار

اداکارہ عمائمہ ملک اپنی فلم ”راجہ نٹور لعل“ کی ناکامی سے دل برداشتہ ہیں اور انہوں نے فی الحال خود کو فلمی ماحول سے دور کرلیا ہے انہیں اپنی پہلی بھارتی فلم سے کافی امیدیں وابستہ تھیں لیکن فلم کو باکس آفس پر پذیرائی نہ ملنے کی وجہ سے ڈپریشن کا شکار ہوگئی ہیں۔واضح رہے کہ فلم کی شوٹنگ کے دوران انہوں نے اسے ایک لازوال فلم قرار دیا تھا اور کہا تھا کہ فلم ملک اور بیرون ملک کامیابی کے جھنڈے گاڑے گی یہ فلم ان کے دعووں کے برعکس ثابت ہوئی اور بری طرح فلاپ ہوئی ہے۔ اس فلم میں انہوں نے عمران ہاشمی کے ساتھ مرکزی کردار ادا کیا ہے۔